منتدي النقراب الرازقية
الزائر الكريم مرحب بكم فى رحاب منتدى اولاد الفقراء النقراب الرازقية


منتدي عام يهدف لخلق الصلاة الطيبه وتبادل الاراء
 
الرئيسيةالبوابةالتسجيلدخول
الزائر الكريم اهلا ومرحب بكم في منتدي النقراب الرازقية
النقراب ذريه الشيخ عبدالرازق ابوقرون و الشيخ صالح جبل اللقمه والشيخ محمد النقر و الشيخ بانقا الضرير
يرحب منتدي النقراب بود العم الشفيع محمد الذين
مرحب بالاعضاء عبدالرحمن معتصم النقر ومبارك ابشعر والسر ديسوقي
مرحب بالاخ بابكر القاضي ود الزين عبدالرحمن الدين وعادل عبدالله عبدالقادر وغيمةمدني وعبدالرحمن صالح
اللهم ارحم الاخ مصباح صالح النقر ومعاويه بانقا وناجي طارق رحمه واسعه
نرحب بي الباشمهندس محمدعوض عبدالرازق النقر وحرمه الاستاذه اميره عثمان
بحـث
 
 

نتائج البحث
 
Rechercher بحث متقدم
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
المواضيع الأخيرة
» الشيخ بانقا الأزرق بن الشيخ صالح ( جبل اللقمة ) بن الشيخ بان النقا الأغر بن الشيخ عبدالرازق أبو قرون
الثلاثاء سبتمبر 09, 2014 10:34 pm من طرف أزهري الحاج الرازقي

» نسبكم الشريف هو نفس نسب اجدادنا العبدلاب والرفاعة في الدزير الخضاراء
الأربعاء فبراير 27, 2013 1:05 am من طرف عصام الدين محمد بانقا

» علاج ازدواج الروئيه
الإثنين فبراير 18, 2013 7:09 am من طرف elnager

» الشيخ بانقا الضرير
الأحد ديسمبر 16, 2012 2:35 am من طرف السماني الشيخ

» حوش بانقا
الأربعاء مايو 23, 2012 6:35 pm من طرف عبدالرحمن

» الشيخ بانقا الأزرق بن الشيخ صالح
الثلاثاء أكتوبر 18, 2011 8:06 am من طرف elnager

» الشيخ عبد الرازق أبو قرون
الثلاثاء أكتوبر 18, 2011 7:59 am من طرف elnager

» نسب الرازقيه ذرية الشيخ عبد الرازق بالسودان
الثلاثاء أكتوبر 18, 2011 7:50 am من طرف elnager

» ديل اهلي النقراب
الأحد أغسطس 21, 2011 4:54 pm من طرف elnager

أفضل 10 أعضاء في هذا المنتدى
elnager
 
بركة
 
حسن رزق
 
ميرغني عبد الله محمد
 
ودبانقا القبة
 
ود النويري
 
اب هاشم
 
مكين
 
جبل اللقمة
 
أزهري الحاج الرازقي
 
التبادل الاعلاني
احداث منتدى مجاني

شاطر | 
 

 شروق المغارب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
د.ازهرى الحاج شرشاب
كاتب مشارك
كاتب مشارك
avatar

عدد المساهمات : 1
تاريخ التسجيل : 03/06/2010

مُساهمةموضوع: شروق المغارب   الإثنين يونيو 07, 2010 11:28 pm

شـروق الـمغـاربْ
يصرخْ يِى فى جواك سكوت
يرمينى فوقك فوق قفاك
موت العناكبْ فى البحرْ
موت الطحالب فى الحجرْ
والدنيا حرْ
ينهدّه حيل
تنهدّه فى جواى بيوت
ساعة الشمس حِرْدَتْ غطاها
وصنقرت فى مشرع النجمه التفرتق
من ضفيراته الغُذار ودع الجمرْ
لمن بكت وبكاها مُرْ
مرَّ البحر فوق سِكَته
قام سكّتَه
وأداها منك شيمه
من وجعو البسوق يوماتى غيمه
وكم تميمه
من الصبرْ
كانت مسافة السكه
بين فركة غناك مبلوله
مابين دكّة الوجع الحرنْ
تحلالى زىْ قلع الضُفُرْ
وأقعد أقَرْدِنْ فيكى شوكه وتمرقى
تدخلنى منك غفوة الريد السكوت
وأسلخْ معاك جِلدْ ناموسة
الفرح المعاى لابسنى توت
وأرفع أساس سقف المظنّه
الفيك علىْ
يصرخ بى فى جواك سكوت
يرمينى فوقك فوق قفاك
موت العناكب فى البحرْ
موت الطحالب فى الحجرْ
والدنيا حَرْ
ينهدّه حيل
تنهدّه فى جواى بيوت
يوم ركّه فوق كتفيك نهار
فَنّيتى من حضنكْ بعيد
عسل الحناضل كان حضور
كان شاهد الحضره الوحيد
كتم الشهاده وشتّته
شهْقتْ مصابيح روعتك
كان الحنين جوايا يتمدد شِتا
وشايلك معايا غُطا وغميد
بحرك مملحْ بالنشيد
يوم لجموك خيل للقبيله
وكان بطانك ينقزوا
فوق جرفك الرحراح هناك
والدنيا عيد
صبْر الليالى عليك أسف
مليان فراغ
غيرك منو
وغيرك بلاك الكَنْدَكِكْ
غَبّرْ وشيك بى نار حنينو
وصبحِكْ فى ساحة المولد عروس
الجهجهِكْ من دربك التالاك
وفاتح شارعو فى الباب
اليودّى على الصباح الفيك
وخته على فرح مرقيكى سوس
يوم إنكسرْ فانوس شخاليب الغنى
طارت نجوم وعْدِكْ معاك
والدنيا عتْمَه وقرمصيص
خيلك تجقْلِبْ والبلاد رطانه
نادهك عافيه بى قَرْشْ الحسوس
يرجع لى تانى صداى معاك
يترده فى جواى يفوت
يصرخ بى فى جواك سكوت
يرمينى فوقك فوق قفاك
موت العناكب فى البحرْ
موت الطحالب فى الحجرْ
والدنيا حرْ
ينهدّه حيل
تنهدّه فى جواى بيوت
تاهت خطى الزمن العليكى
وانقطع نفسك
فتر درب التلاقى معاكى
لو دنقرتى فوق حلق المداين
شفتى كيف جرح البلد جوانى
ضِحْك العافيه كيف برانى
كيف صاره المراير حِشمه
لابسه عِراها والأيام كلاب
جدول محدّرْ للسما
تريان وتشق روحو
تصرخ روحى
شِنْ فايدة ضفيرتك
وإنتِ فى غفلة رضاك
دهْنِك الكركار ملان موية رهاب
مريوقه قايمه وتقْنِتى
شايلاكى المراكب ماشه وين
وين ماشه شايلاهو السراب
والنيل تساب
والقمره يادوب من بعيد
تِنْسلّه بى آخر نَفَسْ
مشروخه من جلد السحاب
وردتْ على ماعونك الفاضى وملان
عشمانه فيك
صدّاها من جرحك نزيف
أدّاها من جواى سكوت
يصرخ بى فى جواك سكوت
يرمينى فوقك فوق قفاك
موت العناكب فى البحرْ
موت الطحالب فى الحجرْ
والدنيا حرْ
ينهدّه حيل
تنهدّه فى جواى بيوت
يومو العِتِرْ فيكى الزمان
واقف وقعْ
إتوكا فوق مُرحاكة الحزن
البتطحنْ روحى والفال المعاى
شكك صهيلك فى غناى
بنوت فريق الضحكه
خَمّنْ لى غناك
ودّنوا فوق راس البلد مُشهاد
على الولد البيضحك دمعو
من فوق تربة البحر الممدده
بى ورا القيف المصفّرِنْ لونو
يلعنْ فى قفا
والنيل غرق فى شبر مويه ومشى
لاوين هُو ماعارف مشى
لكنو بس فى دربك التواه حِفا
ماسكتك دى الكان بجيها ويعرفه
وكان والفه
جوايا فى جواك كركى
وكير يبق تالاك حنين
تالاى جفا
ويبلعنى حوت
وأنده عليك
يلفحنى من إيديكى موت
وأمرق على السفر البعيد
صايحك يصيح
يعبرنى بى فوقك يفوت
يصرخ بى فى جواك سكوت
يرمينى فوقك فوق قفاك
موت العناكب فى البحرْ
موت الطحالب فى الحجرْ
والدنيا حرْ
ينهدّه حيل
تنهدّه فى جواى بيوت
+++
كريمه
مايو /2001

[center]
الرجوع الى أعلى الصفحة اذهب الى الأسفل
elnager
المدير العام
المدير العام
avatar

عدد المساهمات : 85
تاريخ التسجيل : 06/05/2010
العمر : 48
الموقع : النقراب

مُساهمةموضوع: رد: شروق المغارب   الإثنين يونيو 07, 2010 11:53 pm

ياسلام اشرق علينا دكتور ازهري بابداعاته يالها من كلمات لمست وجدانا ومشكور عليها كثيرا ونطمع اكثر في الكثير من ابداعاتك يادكتور شريشاب
وهذا قليك من كثير ابداعات اهلنا في الشماليه ولك مني اجمل التحايا

_________________
أنا الكاوي الخصيم، ساقيهو كاس المُـرْ
أنا الجعـلـي النقرابـي الصمـيــم الحُـرْ
كبَّاس لُجـَّــة الـوكـَـرَة الـدِّمِـيـهــا تخـُـرْ
وقـشَّـاش دَمْعـَـــةَ البـِبـْكـَنْ بقـولن كـُرْ
الرجوع الى أعلى الصفحة اذهب الى الأسفل
http://elnager.forum7.biz
بركة



عدد المساهمات : 12
تاريخ التسجيل : 03/02/2011

مُساهمةموضوع: رد: شروق المغارب   الخميس فبراير 03, 2011 5:18 pm

حقيقة أستمتمت بالقصيده الرائعة
الرجوع الى أعلى الصفحة اذهب الى الأسفل
 
شروق المغارب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي النقراب الرازقية :: النقراب العام :: النقراب الادب والشعروالاغاني-
انتقل الى: